MHANDISI HALMASHAURI YA ITILIMA ASIMAMISHWA KAZI NA NAIBU WAZIRI TAMISEMI

Na  Kareny  Masasy

Itilima.

NAIBU  waziri wa tawala za mikoa na serikali za mikoa Agrey Mwanri amemsimamisha kazi Kaimu mhandisi wa halmashauri ya Wilaya ya Itilima Mkoani Simiyu,Paschal Manyama baada ya kubainika mradi wa barabara inayoingia kwenye ofisi ya Halmshauri hiyo yenye kilometa 1.03 kuwa chini ya kiwango.

Hatua ya kusimamishwa kazi kwa mhandisi huyo ilikuja wakati  waziri huyo alipotembelea mradi wa ujenzi wa barabara hiyo iliyokuwa chini ya Mkandarasi Virgin Company Limited, iliyokuwa imejengwa kwa gharama ya  kiasi cha shilingi Milioni 9.01 wakati wa mwendelezo wa ziara yake wilayani humo.

Akikagua mradi huo Mwanri alibaini ujenzi huo kufanyika chini ya kiwango kwa kutokuwepo kwa mitaro ya kutolea maji, ambapo mhandisi huyo alipoulizwa juu ya jambo hilo ilishindwa kutoa majibu ya kuridhisha.

Wakati akiendelea kukagua mradi huo mwanri alibaini kuwepo kwa kasoro nyingi katika ujenzi huo, baada ya kubainika mkandarasi aliyepewa kazi ya ujenzi huo, kutopewa mkataba, pamoja na mchoro unaonyesha gharama za mradi (BOQ) kutokuwepo.

Hatua hiyo ilimpelea Naibu waziri kuwa na mashaka na mhandisi huyo kutokana na majibu aliyokuwa akitoa kutokua ya kitaalamu, hali iliyomlazimu  kumuuliza Mhandisi huyo  kiwango chake cha elimu.

Alipoulizwa elimu yake Mwahandisi  Manyama alisema alimu yake ni kidato cha nne, jambo lilomfanya Naibi waziri kumwagiza Katibu Tawala wa Mikoa Mwanvua Jilumbi kumwondoa katika nafasi ya Uhandisi na badala yake atafutiwe kazi mbadala tofauti na hiyo.

“Natoa agizo Mhandisi huyo namsimamisha kazi hafai hata kidogo kuwa katika nafasi hii, ndiyo maana nauliza maswali yanamshinda na kama ataendelea kukaa hapa halmashauri itapata hasara kubwa, sasa namsimamisha kazi, Katibu tawala wa mkoa tafuta mtu mwingine umweke  hapa, huyu hafai hata kidogo mtafutie kazi nyingine”Alisema Mwanri.

Hata hivyo ilibanika kuwa mhandisi huyo anakaimu nafasi hiyo kutokana na Hamlshauri kutokuwa na Mhandisi wa ujenzi, ambapo  waziri  alimpa muda wa masaa 24 kuleta vyeti vyake  kama kweli alisomea mambo ya ujenzi.