Archive for April 2014

Habari za hivi Punde

Home » Archive for April 2014

MZAZI ATINGA SHULENI NA BAKORA KISA ATAKA BINTI YAKE AKAELEE MTOTO NYUMBANI.

MZAZI ATINGA SHULENI NA BAKORA KISA ATAKA BINTI YAKE AKAELEE MTOTO NYUMBANI.

MZAZI wa Mgreth Tilu anayesoma shule ya msingi Bugimbagu darasa la saba iliyopo kata ya Mwawaza manispaa ya Shinyanga alitolewa darasa na baba yake mzazi huku akiwa ameshika fimbo mkononi kwa kumtaka arudi nyumbani kwa lengo la kwenda kumlea mdogo wake.

Mzazi huyo aliyefahamika kwa jina la Tilu Bushi alifanya kitendo hicho katika shule hiyo wakati muda wa kufanya mtihani wa mocko ukiendeleo ndipo aliamua uamuzi wa kumfuata shule na kusababisha mwanafunzi huyo kushindwa kufanya mtihani wake.

WAEKEZAJI MANISPAA YA SHINYANGA WALALAMIKIWA.

WAEKEZAJI MANISPAA YA SHINYANGA WALALAMIKIWA.

WAWEKEZAJI manispaa ya Shinyanga wamelalamikiwa kutotekeleza matakwa waliyokubaliana mara baada ya kuwa wameomba kuwekeza maeneo mbalimbali na kuchukua ardhi kubwa jambo ambalo limefanya kuzua migogoro mikubwa kwenye maeneo ya wakazi hao.

Kitu kilichobainika mara baada ya kukaa kamati ya miundombinu ya madiwani,ilijionea mwekezaji katika eneo la N’helegani alichukua ekari zaidi ya 100 huku akiahidi kujenga madarasa kwaajili ya kuanzisha shule ya wakulima , kuajiri wafanyakazi wazawa huku wawekezaji wengine wakiahidi pia kuweka kiwanda cha kusindika nyama mambo ambayo yamekwenda kinyume.

Hayo yalisemwa na mwenyekiti wa kamati ya miundombinu ambaye pia ni diwani wa kata ya Chamaguha Morice Mghin kwenye baraza la madiwani lililofanyika katika ukumbi wa mkoa huku akieleza kuwa kutokana na makubaliano hakuna madarasa yaliyojenga wala shule, hakuna ajira iliyotolewa matokeao yake wananunua marobota na kutenge nyuzi kwa kusafirisha nje ya nchi.

“Jambo lingine wawekezaji kampuni ya wachina eneo la ibadakuli tulikubaliana kiwanda cha kusindika nyama wanachokifanya wanasindika ngozi pekee tena wameajiri vijana wanaowatumia bila vitendea kazi mikono yao imeanza kuchumbuka hivyo wanaonekana kutotii sheria ya Osha,huku mwekezaji kampuni ya jambo akilalamikiwa kuchukua eneo zaidi tofauti na alivyopimiwa hali ambayo imezua migogoro kwa wananchi wa eneo hilo na kiasi cha zaidi ya shilingi millioni 400 bado hakijalipwa.”alisema Mghini.

Hivyo alitoa ushauri kuwa suala la wawekezaji limeonyesha kuwa na ubabaishaji kila wanapofuatwa hukumbilia kwa mkuu wa mkoa utaratibu uwepo wa wawekezaji kupitia kwa wakurugenzi wanaotoa ardhi na uwe wa hisa na sio uanzie mkoani kama ulivyo sasa ambapo imeonekana wananchi kuwakosesha haki zao za msingi.

Diwani wa kata ya Ibadakuli Leonard Richard alisema kuwa kumekuwepo mgogoro wa ardhi eneo hilo kampuni ya jambo kuchukua eneo zaidi huku Siri Yasin diwani viti maalumu akieleza kuwa baadhi ya watumishi wamekuwa wakiegemea upande wa wawekezaji bila kushirikisha wananchi jambo ambalo linaonyesha kujidhalilisha ikiwa wanatakiwa kuanzia uongozi wa vitongoji,vijiji na kata ambapo kunapatikana ukweli sio kwenda kwa mwekezaji.

Naye naibu mstahiki meya wa manispaa David Nkulila alisema kuwa hakuna sheria inayoua sheria wawekezaji wamekuwa wakienda kinyume na kuleta ubabaishaji ikiwa wameonekana dhahiri pindi wanapofuatwa na maafisa mbalimbali hujifanya kutofahamu lugha hasa hawa wachina na mwisho wa siku humfuata mkuu wa mkoa na kutoa malalamiko yao.

Kaimu mkurugenzi ambaye pia ni ofisa ardhi wa manispaa Dismas Minja alisema kuwa yanayosemwa ni kweli ila kinachotakiwa ni kuanza ufuatiliaji wa karibu ili wananchi wanufaike na ardhi yao, hivyo inatakiwa kuwa macho na wawekezaji wa namna hii haiwezekani wanachukua ekari 150 na hakuna kitu chochote kinacho fanyika kwa wananchi.

Katibu tawala wilaya. ya Shinyanga Boniface Nchambi alisema kuwa suala la mgogoro wa ardhi limekuwa ni changamoto kubwa kwenye maeneo yaliyochukuliwa na wawekezaji hivyo uamuzi uliopo waorosdheshwe watu wote waliochukuliwa maeneo yao ili kuweza kubaini tatizo liko wapi.

KIKAO CHA BARAZA LA MADIWANI MANISPAA YA SHINYANGA.

Mheshimiwa diwani wa kata ya Chamaguha manispaa ya Shinyanga ambaye ni mwenyekiti wa kamati ya miundombinu akiwasilisha taarifa ya kamati yake huku akitoa maelezo ya wawekezaji wamekuwa hawatekelezi makubaliano kama mikataba yao inavyoeleza.

ZAO LA MTAMA LINALODAIWA KUSHAMBULIWA NA NDEGE AINA YA KWELEA KWELEA

Viongozi wa halmashauri ya wilaya ya Kishapu akiwemo mkurugenzi wa halmashauri hiyo wakikagua zao la mtama shambani mara baada ya kuripotiwa kutoka kwa wakulima kuwa linaliwa na ndege aina ya kwelea kwelea.

PSPF YATOA ELIMU KWA WAJASILIAMALI SOKO KUU MANISPAA YA SHINYANGA.

PSPF YATOA ELIMU KWA WAJASILIAMALI SOKO KUU MANISPAA YA SHINYANGA.

WAJASILIAMALI wenye kipato kidogo manispaa ya Shinyanga wametakiwa kujiunga na mfuko wa Pensheni kwa watumishi wa Umma ( PSPF) mara baada ya kutolewa elimu ikiwa imebainika kuwa asilimia kubwa bado hawajajiunga na mfuko huo kwa dhana iliyojengeka kuwa ni kwaajili ya watumishi pekee.

Inatakiwa wajasiliamali waone umuhimu wa kujiunga na mifuko ya hifadhi ya jamii hapa nchini na kuweza kunufaika nayo kwa kutunza fedha ambazo zitawasaidia katika maisha ya sasa nayabaadae.

Akitoa elimu hiyo kwa wajasiliamali wa soko kuu la mjini Shinyanga mjumbe wa Bodi wa mfuko huo kutoka Jijini Dar es salaam Clement Mswanyama alisema asilimia kubwa ya wajasiliamali hapa nchini hawajajiunga na mifuko ya hifadhi ya jamii na kuwafanya kukosa fedha za kuwasaidia katika maisha hasa pale wanapopatwa na matatizo.

“ Watu wanaofanya shughuli zenye kipato kidogo asilimia kubwa wamekuwa wakisahaurika kupewa fursa ya kujiunga na mifuko hiyo ya hifadhi ya jamii na kuwathamini watumishi ambao wameajiriwa hali ambayo huwajengea watu hao mazingira ya kuwa na maisha magumu”alisema .

MWENDESHA DALADALA YA BAISKELI ATUHUMIWA KWA UBAKAJI WA MWANAFUNZI WA DARASA LA PILI NA KUMTOBOA MACHO

MWENDESHA DALADALA YA BAISKELI ATUHUMIWA KWA UBAKAJI WA MWANAFUNZI WA DARASA LA PILI NA KUMTOBOA MACHO

KIJANA Omary Simon (30) anashikiliwa na jeshi la polisi mkoani Shinyanga kwa tuhuma ya kumbaka mwanafunzi wa darasa la pili (9) anayesoma katika shule ya Msingi Kitangili Manispaa ya Shinyanga kisha kumtoboa macho kwa kutumia kitu chenye ncha kali na kumuacha porini akisota kwa muda wa siku mbili.

Kwa mujibu wa maelezo ya Kamanda wa Polisi Mkoa wa Shinyanga Evarist Mangalla alisema tukio hilo lilitokea Aprili 20, mwaka huu majira ya saa 10;00 jioni katika kitongoji cha Bugweto nje kidogo ya mji baada ya siku hizo aliokotwa na wanawake wawili.

Kamanda Mangalla alisema siku ya tukio mwanafunzi huyo ambaye nanaishi na Bibi yake Kata ya Ibinzamata alipewa shilingi 500/= na bibi yake kwa ajili ya kupanda Daladala ya baiskeli kwenda kwa mama yake mkubwa anayeishi kata ya Ngokolo.

WAZAZI WAHIMIZWA KUONA UMUHIMU WA CHANJO KWA WATOTO

WAZAZI WAHIMIZWA KUONA UMUHIMU WA CHANJO KWA WATOTO

WAZAZI na walezi wilayani Maswa mkoani Simiyu wamehimizwa kuona umuhimu wa chanjo kwa kuwapeleka watoto kupata chanzo mbalimbali za kuzuia maradhi ya kuhara na Nimonia zinazostahili kupatiwa kwa watoto walio chini ya mwaka mmoja ikiwa zaidi ya watoto 13,000 hawakupatiwa chanjo.

Changamoto mbalimbali katika utekelezaji wa zoezi hilo ambazo ni pamoja na uelewa mdogo wa jamii kuhusu umuhimu na ukamilishaji wa chanjo zote,watotohao hawakupata au kukamilisha chanjo sabau ikielezwa ni ukosefu wa usafiri kwa ajili za kliniki za mkoba za chanjo kwa baadhi ya vituo vya
kutolewa huduma za afya.

Mganga Mkuu wa wilaya hiyo Dkt Jonathan Budenu alibainisha hayo katika uzinduzi wa wiki ya chanjo uliofanyika katika zahanati ya kijiji cha Malita kata ya Zanzui na kuhudhuria na baadhi ya wananchi hasa akina mama wachache waliojitokeza

WAZAZI NA WALEZI WANASHINDWA KUCHANGIA MIRADI YA MAENDELEO.

WAZAZI NA WALEZI WANASHINDWA KUCHANGIA MIRADI YA MAENDELEO.

.

BAADHI ya wazazi na walezi manispaa ya Shinyanga asilimia kubwa wamekuwa hawapendi kuchangia miradi ya maendeleo mbalimbali ikiwemo sekta ya elimu hali ambayo imeonyesha katika shule ya sekondari Mazinge kushindwa kuchangia huduma ya wanafunzi kupata uji na chakula cha mchana.

Ikiwa kila mwanafunzi inatakiwa achangie kiasi cha shilingi 3000, hivyo Idadi ya wanafunzi waliotoa michango yao ni 6 pekee kwa shule nzima kati ya wanafunzi 664 kwa lengo la kupata uji wawapo shuleni hapo, imeelezwa wazazi ndio chanzo cha kudhorotesha kutokupata huduma hiyo ikiwa katika sherehe za harusi wanakuwa mstari wa kwanza kuchangia.

Diwani wa kata ya Ndembezi katika manispaa ya Shinyanga David Nkulila,ambaye pia ni naibu meya wa manispaa hiyo aliyasema hayo wakati wa kikao cha kamati ya maendeleo ya kata hiyo kilichofanyika katika ukumbi wa ofisi ya afisa mtendaji wa kata hiyo.

kIJANA ACHOMWA KISU NA KUFA KISA ATAKA KUMBAKA MSICHANA.

kIJANA ACHOMWA KISU NA KUFA KISA ATAKA KUMBAKA MSICHANA.

KIJANA mmoja (30) aliyejulikana kwa jina la Stephen Philbert ameuawa kwa kuchomwa kisu kichwani na mwanamke aliyekuwa anamfanyia jaribio la kumbaka katika eneo la Ngokolo mjini Shinyanga usiku wa mkesha wa pasaka.

Kamanda wa polisi mkoa wa Shinyanga SACP Evarist Mangalla alisema tukio hilo limetokea usiku wa Aprili 20,mwaka huu saa tisa usiku ambapo Stephen Philbert mkazi wa Ngokolo alichomwa kisu kichwani wakati akitaka kumbaka mwanamke aitwaye Pili Michael(24).

Akielezea zaidi kuhusu tukio hilo kamanda Mangalla alisema siku ya tukio mwanamme huyo alivunja dirisha la nyumba ya mwanamke huyo anayeishi Ngokolo mjini Shinyanga na kuingia ndani kisha kufanya jaribio la kumbaka.

WAZAZI NA WALEZI WALAUMIWA KUWATELEKEZA WATOTO WAO KATIKA KITUO CHA KULELEA WATOTO WALEMAVU

WAZAZI NA WALEZI WALAUMIWA KUWATELEKEZA WATOTO WAO KATIKA KITUO CHA KULELEA WATOTO WALEMAVU

WAZAZI na walezi waliopeleka watoto wao katika kituo maalumu cha kulelea watoto wenye ulemavu mbalimbali kilichopo Buhangija manispaa ya Shinyanga wameombwa kujenga desturi ya kuwatembelea watoto hao mara kwa mara na sio kukiachia kituo pekee hali ambayo inawafanya kukosa haki zao za msingi kwa kupata malezi bora kama watoto wengine.

Baadhi ya watoto hao tangu waletwe kituoni hapo hakuna hata mzazi au mlezi mmoja aliyekuja katika kituo hicho kumuona mwanaye na kumjulia hali jambo ambalo linaonywesha kuwa watoto tayari wamekosa imani na wazazi wao kwa kutowaona muda mrefu.

SHULE INACHANGAMOTO NYINGI WALIMU WALALA MADARASANI,SHULE HAINA VYOO WALA MADAWATI

SHULE INACHANGAMOTO NYINGI WALIMU WALALA MADARASANI,SHULE HAINA VYOO WALA MADAWATI

SHULE ya msingi Mwamashimba katika kijiji hicho kata ya Mwamalasa wilayani Kishapu mkoani Shinyanga inakabiliwa na changamoto ya ukosefu wa vyoo,madawati na nyumba za walimu hali inayosababisha baadhi ya walimu kuishi kwenye vyumba vya madarasa.

Shule hiyo yenye muonekano tofauti na kuwa hali halisi ya kuwepo kwa wanafunzi na walimu waandishi wa habari walitembelea shule hiyo kutaka kufahamu wanafunzi wanapataje elimu kupitia vyumba hivyo na mazingira yaliyopo huku wakihoji baadhi ya viongozi.

TUME YA WATU 18 IMEUNDWA KUCHUNGUZA MAPIGANO YA WAKULIMA NA WAFUGAJI

TUME YA WATU 18 IMEUNDWA KUCHUNGUZA MAPIGANO YA WAKULIMA NA WAFUGAJI

TUME iliyoundwa ya watu kumi na nane na wenyeviti wa kamati ya ulinzi na usalama wakiwemo mkuu wa mkoa wa shinyanga Ally Nasoro Rufunga na mkuu wa mkoa wa Tabora Fatuma Mwasa kuwa baini na kuwakamata watu waliohusika na mauaji ya watu watano katika mapigano ya wakulima na wafugaji yaliyotokea mpakani mwa mikoa hiyo miwili.

Mwenyekiti wa chama cha Mapinduzi mkoani Shinyanga Khamis Mgeja aliyasema hayo kwenye kikao cha ndani cha CCM kilichofanyika wilayani Kishapu wakati wa ziara yake wilayani humo mara baada ya kusomewa taarifa ya mauji hayo na mkuu wa wilaya ya hiyo Wilson Nkhambaku kuwa mapigano hayo yalitokea tarehe 29 marchi mwaka huu katika kijiji cha magogo wilayani kishapu mkoani shinyanga mpakani na wilaya ya Igunga mkoani Tabora na kusababisha mauaji wakati wakigombania Ardhi.

JAMII IMETAKIWA KUJIOMBEA NA KULIOMBEA TAIFA HASA KIPINDI HIKI CHA MCHAKATO WA KUUNDA KATIBA MPYA.

JAMII IMETAKIWA KUJIOMBEA NA KULIOMBEA TAIFA HASA KIPINDI HIKI CHA MCHAKATO WA KUUNDA KATIBA MPYA.

JAMII mkoani Shinyanga imetakiwa kujiombea na kuliombea taifa katika mchakato huu wa kuunda katiba mpya kwenye msimu huu wa kumalizika kwa mateso ya yesu kristo aliyejitoa na kusulubiwa msalabani kwaajili ya dhambi za wanadamu huku akiwataka kutenda yaliyo mema duniani.

Hayo yalisemwa jana na mchungaji peter Msengi wa kanisa la Moravian lililopo Ngokolo kata ya Ndembezi manispaa ya Shinyanga katika ibada ya siku ya ijumaa kuu mbele ya waumini wa kanisa hilo huku ikiwemo imani kutoka kwenye kitabu cha maandiko kuwa binadamu hana kosa na kufikia hatua ya kukiri mwenyewe.

JAMII YATAKIWA KUTOA USHIRIKIANO KUBAINI WAHAMIAJI HARAMU.

JAMII YATAKIWA KUTOA USHIRIKIANO KUBAINI WAHAMIAJI HARAMU.

JAMII imetakiwa kutoa ushirikiano katika kuwabaini wahamiaji haramu ili waweze kuchukuliwa hatua kwa mujibu wa sheria za nchi,hatua itakayosaidia kupata viongozi ambao ni wazalendo wenye uchungu na nchi yao badala ya kuchagua mtu bila kujua historia yake matokeo yake uzalendo unakosekana.

Hayo yalibainishwa na Naibu Kamishina wa uhamiaji wilaya ya shinyanga Salumu Farahani katika ofisi za uhamiaji mkoani shinyanga ambapo alisema kuwa kumekuwepo na wimbi la wahamiaji, ambao wamekuwa wakiishi nchini kinyume cha sheria na jamii kushindwa kuwafichua.

ZAHANATI YA KIJIJI CHA SINGITA KATA YA USANDA YAKABILIWA NA UHABA WA MAJI,MAABARA NA DAWA.

ZAHANATI YA KIJIJI CHA SINGITA KATA YA USANDA YAKABILIWA NA UHABA WA MAJI,MAABARA NA DAWA.

ZAHANATI ya kijiji cha Singita kata ya Usanda wilaya ya Shinyanga inakabiliwa na uhaba mkubwa wa maji hali ambayo inayowalazimu mama wanaokwenda kujifungua kununua maji dumu la lita ishirini shilingi mia mbili ikiwemo ukosefu wa maabara.

Wakiongea na waandishi wa habari waliotembelea zahanati iliyopo kijijini hapo,walisema kuwa wanapokwenda kujifungua hulazimika kununua maji kwaajili ya kufulia nguo na kuoga jambo ambalo limekuwa ni changamoto kwao yakuwafanya kutumia gharama kubwa huku kipato chao ni kidogo.

Walisema kuwa Zahanati hiyo haina huduma ya maji hulazimika kununua dumu moja la lita ishirini shilingi miambili ambayo ndiyo changamoto kubwa ikiwemo ukosefu wa dawa mara kwa mara,maabara na baadhiya ya vifaa tiba ikiwa hulazimika kufuata vipimo vingine katika hospitali ya serikali ya mkoa au binafsi zilizoko mjini.

WAZIRI MKUCHIKA ASEMA RUSHWA KATIKA HALMASHAURI BADO NI KITENDAWILI

WAZIRI MKUCHIKA ASEMA RUSHWA KATIKA HALMASHAURI BADO NI KITENDAWILI

WAZIRI wa Nchi Ofisi ya Rais Utawala Bora Kapteni Mstaafu George Mkuchika amesema rushwa katika halmshauri nchini, bado ni kitendawili, kutokana na kuongezeka kila mara licha ya serikali kupitia Taasisi ya kuzuia na kupambana na rushwa nchini (TAKUKURU) kukabiliana nayo.

Alisema mbali na mapambano hayo halmashauri nyingi nchini suala la matumizi bora ya fedha za serikali bado halingatiwi, na kusababisha kuongezeka kwa rushwa kwa watumishi wake hasa wakuu wa idara ambao ndiyo wahusika wakuu katika matumizi ya fedha hizo.

Waziri Mkuchika alisema hayo jana wakati akiongea na wajumbe wa kikao cha ushauri cha Mkoa wa Simiyu (RCC) kilichofanyika kwenye ukumbi wa mikutano wa Barideco ulioko Mjini Bariadi, kikao kilichokuwa maalumu cha kupitisha bajeti ya mwaka 2014/15.

WAJUMBE WA BUNGE MAALUMU LA KATIBA WAUDHI BAADHI YA WANANCHI.

WAJUMBE WA BUNGE MAALUMU LA KATIBA WAUDHI BAADHI YA WANANCHI.

HATUA iliyofikia kwa bunge maalumu la katiba limewafanya baadhi ya wananchi wa kijiji cha Mwamashimba kata ya Mwamalasa wilayani Kishapu mkoani Shinyanga kusikitishwa na vitendo vya baadhi ya wajumbe wa bunge hilo kutoa maneno machafu yenye kudhihaki waasisi wa taifa ,wakidai kuwa watu hao wanaokashfu viongozi huenda wana ugonjwa wa kansa ya ubongo.

Baada ya kuhojiwa na waandishi wa habari waliotembelea kijiji hicho,wananchi hao walisema vitendo vya kuwakosea heshima waasisi wa taifa akiwemo baba wa taifa hayati Mwalimu Julius Kambarage Nyerere na hayati Amani Abeid Karume siyo vya kiungwana kwani viongozi hao ndiyo waliolifikisha taifa hapa lilipo.

WANAFUNZI 47 WASHINDWA KURIPOTI KUANZA KIDATO CHA KWANZA.

WANAFUNZI 47 WASHINDWA KURIPOTI KUANZA KIDATO CHA KWANZA.

WANAFUNZI 47 waliochaguliwa kuingia kidato cha kwanza mwaka 2013/14 katika shule za sekondari zilizopo manispaa ya Shinyanga hawajaripoti shule na kutojulikana walipo.

Hayo yalisemwa na ofisa elimu wa shule ya sekondari manispaa ya Shinyanga Daud Mkumbwa kwenye kikao kilichojumuisha viongozi wa sungusungu kutoka wilaya za manispaa,shinyanga na Kishapu kwaajili ya kujadili ajenda ya utoro mashuleni.

Mkubwa alisema kuwa kumekuwepo na wimbi la utoro mashuleni ikiwemo wanafunzi wa kike kupata mimba, kutohuduria masomo mara kwa mara ikiwa wanafunzi wakiume ni 21 na wakike 26 hawajaripoti shule mpaka sasa,ambapo aliwataka viongozi hao kushirikiana ili kuweza kuondoa changamoto hiyo.

JELA MIAKA 30 KWA KUKUTWA NA PEMBE ZA NDOVU MBILI

JELA MIAKA 30 KWA KUKUTWA NA PEMBE ZA NDOVU MBILI

MAHAKAMA ya wialya ya Bariadi Mkoani Simiyu imemuhukumu Mkazi wa mmoja liyejulikana kwa jina la Maganzo Zelamoshi mkazi wa kijiji cha Zangho kata ya Mwabali wilayani humo, kifungo cha miaka 30 jela baada ya kupatikana na hatia ya kukutwa na nyara za serikali bila ya kibali.

Akimsomea shtaka linalomkabili mtuhumiwa kabla ya hukumu hiyo Mwendesha mashtaka wa TANAPA Eliasi Benjamini, alisema kuwa mnamo tarehe 21 octoba 2013 mtuhumiwa alikutwa akiwa na pembe 2 za ndovu.

KUNDI LA TEMBO LAVAMIA MAKAZI YA WATU NA KULA MAZAO YALIYOKUWA MASHAMBANI NA VYAKULA WALIVYOHIFADHI

KUNDI LA TEMBO LAVAMIA MAKAZI YA WATU NA KULA MAZAO YALIYOKUWA MASHAMBANI NA VYAKULA WALIVYOHIFADHI

KUNDI kubwa la Tembo zaidi ya 40 kutoka katika Hifadhi ya Taifa ya Serengeti wamevamia katika makazi ya watu na kufanya uharibifu mkubwa wa mazao pamoja na vyakula vilivyokuwa vimehifadhiwa katika kijiji cha Mwachumu kata ya Girya Wilayani Bariadi mkoani Simiyu.

Diwani wa kata ya Girya Safari Lewa alisema kuwa tukio hilo limetokea juzi majira ya saa 10:00 jioni katika kijiji hicho ambapo tembo hao waliingia kwenye makazi ya watu na kufanya uharibifu mkubwa wa mazao mbalimbali yakiwemo Mahindi pamojana na Pamba katika mashamba ya wananchi.

MASHIRIKA YA UMMA YAPATA HASARA KUBWA KUTOKANA NA KUIBIWA KWA MIUNDOMBINU YAKE

MASHIRIKA YA UMMA YAPATA HASARA KUBWA KUTOKANA NA KUIBIWA KWA MIUNDOMBINU YAKE

CHANGAMOTO inayowakumba mashirika ya umma nchini ni kuibiwa kwa miundombinu mbalimbali ya vifaa vinavyotumika kwenye ujenzi wa miundombinu mbalimbali ambapo shirika la umeme (TANESCO) mkoani Shinyanga limeeleza kupata hasara kiasi cha shilingi millioni 9.5 kwa mwaka 2012 huku shirika la mawasiliano mkoani Shinyanga (TTCL) likipata hasara ya zaidi ya shilingi millioni 108.

Ambapo Shirika la Reli (TRL) kwa wizi wa Mataluma ya kwenye barabara wameeleza kuwepo kwa biashara ya vyuma chakavu,kutumia kwenye majembe yanayokokotwa na ng’ombe pamoja na shirika la mawasiliano nchini TTCL wakieleza baadhi ya wakulima kuchimbua nyaya zilizopo ardhini zinazohusika kupita kwa mkongo wa mawasiliano wa Taifa.

HALMASHAURI YA WILAYA YA BARIADI INAKABILIWA NA ZAIDI YA WANAFUNZI 450 HAWAJUI KUSOMA WALA KUANDIKA

HALMASHAURI YA WILAYA YA BARIADI INAKABILIWA NA ZAIDI YA WANAFUNZI 450 HAWAJUI KUSOMA WALA KUANDIKA

HALMASHAURI ya wilaya ya Bariadi Mkoani Simiyu, inakabiliwa na idadi kubwa ya wanafunzi wa shule za msingi wasiojua kusoma, kuandika na kuhesabu (KKK), kutokana na uwajibikaji mdogo wa walimu na kutofundisha kwa vitendo, ikiwemo msongamano mkubwa wa wanafunzi madarasani.

Jumla ya wanafunzi 4999 ikiwa ni asilimia 8.5 ya wanafunzi wote katika wilaya , wasichana wakiwa 2660 asilimia 8.8, na wavuluna wakiwa jumla 2339, ikiwa ni asilimia 8.1, wote hawajui kusoma, kuandika na kuhesabu, hali inayosababisha kiwango cha taaaluma kushuka wilayani hapa.

MWENYEKITI CCM MKOANI SIMIYU ASISITIZA WANANCHI MUUNGANO WA SERIKALI MBILI

MWENYEKITI CCM MKOANI SIMIYU ASISITIZA WANANCHI MUUNGANO WA SERIKALI MBILI

MWENYEKITI wa chama cha Mapinduzi (CCM) mkoani Simiyu ambaye pia ni mbunge wa jimbo la Busega dkt Titus Kamani ameendelea kusisitiza muungano wa serikali mbili kwa sababu waasisi wa wazamani wa Tanzania Hayati Mwalimu Julius Nyerere na Abed Karume walikaa na kujadili mafanikio ya muungano wa Tanzania na kusisitiza uwepo wa serikali mbili.

Mbunge huyo ambaye ni waziri wa maendeleo ya uvuvi na mifugo alisema ni busara za waasisi hao za kusistiza muungano na kuenzi zilizopelekea kuundwa kwa muundo wa serikali mbili zimesababisha hali ya muungano mpaka sasa kuwa imara na kuleta amani baina ya watanzania, na kutaka muundo huo ni vyema ukaendelea ili kulinda muungano.

MWANAMKE ALIWA FISI SHAMBANI KWAKE AKICHUMA MBOGA

MWANAMKE ALIWA FISI SHAMBANI KWAKE AKICHUMA MBOGA

MKAZI mmoja wa kijiji cha Giriku kata ya Bunamhala wilayani Bariadi mkoani Simiyu aliyefahamika kwa jina la Nshoma Mawe (29) amepoteza maisha baada ya kuvamiwa na fisi kisha kun’gata wakati akiwa shambani nyumbani kwake akichuma mboga.

Kwa mujibu wa taarifa ya kamanda wa jeshi la polisi mkoani humo Charles Mkumbo aliyoitoa mbele ya waandishi wa habari ofisini kwake amesema kuwa tukio hilo limetokea mnamo majira ya saa 6:00 jioni.

KARENY BLOG: ZAHANATI YA KIJIJI CHA BUGANIKA HAINA CHOO, WALA M...

KARENY BLOG: ZAHANATI YA KIJIJI CHA BUGANIKA HAINA CHOO, WALA M...

KARENY BLOG: ZAHANATI YA KIJIJI CHA BUGANIKA HAINA CHOO, WALA M...: AKINAMAMA wajawazito wanaokwenda kujifungua katika zahanati ya Buganika wilayani Kishapu mkoani wamekumbwa na changamoto ya kulazimisha k...

ZAHANATI YA KIJIJI CHA BUGANIKA HAINA CHOO, WALA MAHALI PA KUTUPIA TAKA NGUMU.

ZAHANATI YA KIJIJI CHA BUGANIKA HAINA CHOO, WALA MAHALI PA KUTUPIA TAKA NGUMU.

AKINAMAMA wajawazito wanaokwenda kujifungua katika zahanati ya Buganika wilayani Kishapu mkoani wamekumbwa na changamoto ya kulazimisha kubeba uchafu wao mara baada ya kujifungua kutokana na kukosekana kwa choo wala eneo la kutupia taka ngumu katika zahanati hiyo.

Hali hiyo imeonekana wauguzi kuwalazimisha wajawazito kwenda wakiwa wamebeba mifuko ya rambo kwa ajili ya kubebea makondo ya nyuma na uchafu mwingine baada ya kujifungua jambo ambalo ni hatari kiafya ikiwa hutozwa kiasi cha shilingi 10,000 kama gharama za huduma badala ya wajawazito kutibiwa bure kwa mujibu wa sera ya afya.

Akizungumzia hali hiyo hivi karibuni mjini Shinyanga mmoja wa wezeshaji kutoka mtandao wa Jinsia Tanzania (TGNP) Anna Sangai alisema wakazi wa kijiji cha Buganika walitoa malalamiko hayo wakati wa zoezi la uraghabishi katika vijiji vya Buganika, Mwabayanda, Ngh’wigumbi na Buchambi ambapo baadhi ya wakazi wa maeneo hayo walihoji utaratibu huo iwapo unatumika kwingineko.

BAADHI YA WANANCHI WA KATA ZA NDALA NA MASEKELO MANISPAA YA SHINYANGA WAILALAMIKIA HOSPITAL YA MKOA KUPANDISHA GHARAMA.

BAADHI YA WANANCHI WA KATA ZA NDALA NA MASEKELO MANISPAA YA SHINYANGA WAILALAMIKIA HOSPITAL YA MKOA KUPANDISHA GHARAMA.

BAADHI ya WANANCHI wa kata za Ndala na Masekelo manispaa ya Shinyanga  wameilalamikia hospitali ya mkoa wa Shinyanga kupatindisha gharama ya kuchukua cheti  cha kuanza matibabu kutoka shilingi 1000 hadi 5000,hali ambayo inasababisha   wenye kipato cha chini kushindwa kupata matibabu  ikichangiwa  kukosekana vituo vya afya na zahanati kwenye maeneo yao.

Wakizungumza na waandishi wa habari waliotembelea kata hizo ambazo ziko manispaa ya Shinyanga,walisema gharama imekuwa kubwa ni vema kwanza serikali ingeboresha vituo vya afya  na zahanati na kujenga kila kata, ili kuwasaidia wananchi wenye kipato cha chini kwenda kupata huduma tofauti na ilivyo sasa.

WAKAZI WA KIJIJI CHA SANGITA KATA YA USANDA WAKABILIWA NA UHABA WA MAJI

WAKAZI WA KIJIJI CHA SANGITA KATA YA USANDA WAKABILIWA NA UHABA WA MAJI

BAADHI ya wakazi wa kijiji cha Singita kata ya Usanda halmashauri ya wilaya ya Shinyanga wanakabiliwa na tatizo la ukosefu wa huduma za maji, hali inayowalazimu kwenda kuchota maji mto Shimiwi huku wakihofia afya zao kukumbwa na magonjwa ya mlipuko pia kuchangia na mifugo.

Hayo yalielezwa na baadhi ya wananchi wakati wakizungumza na waandishi wa habari waliotembelea kijijini humo,ambapo walisema hakuna visima vya maji wala mabomba na kwamba maji wanayotumia wanakwenda kuchimba mtoni na wakati mwingine hukuta fisi wakinywa maji.

HALMASHAURI WILAYA YA KISHAPU IMEBAINI KAYA 5881 KUKOSA VYOO

HALMASHAURI WILAYA YA KISHAPU IMEBAINI KAYA 5881 KUKOSA VYOO

HALMASHAURI ya wilaya ya Kishapu mkoa wa Shinyanga imebaini kaya 5881 kutokuwa na vyoo ikiwa kaya 3335 zimejenga vyoo vya muda hali ambayo inaonyesha kuwa hatarini kukumbwa na magonjwa ya mlipuko hasa ya kuhara na kipindupindu.

Kaya hizo zilibainika wakati wa kampeni inayoendelea ya usafi wa mazingira na kuihamasisha jamii kuwa na vyoo bora katika kata zote za wilaya hiyo kwa kutumia sheria ndogo za halmashauri, huku mila na desturi zikitajwa kuwa ni chanzo cha kuwepo tatizo hilo na kuona ni muhimu kwa kujisaidia vichakani.

Akizungumza na waandishi wa habari afisa mazingira wa wilaya ya Kishapu Mohamed Mlewa, alisema wilaya inakaya 42,000 kati ya hizo zenye vyoo bora ni 12,680 vya kawaida 20,114 na ambavyo vimejengwa kwa matumizi ya muda ni 3335 huku kaya 5881 vikiwa havina vyoo .

“Ni muhimu kila kaya iwe na choo tena tunasisitiza kiwe bora na ndiyo maana tunaendelea kutoa elimu kwa jamii, iweze kubadilika iache mila na desturi zilizopitwa na wakati kama sasa hivi tumebaini kuwepo kaya 5881 zisizokuwa na vyoo hata vya muda hawana”alisema Mlewa.

Alisema walitembelea kata za Masanga ,Shagihilu,Mwamashele na Ukenyenge ambapo walizungumza na wananchi na kutoa elimu sanjari na kukagua kaya kama zinavyoo nakukuta baadhi hazina ambazo walizitaka kuhakikisha wanachimba haraka il kuzuia kuibuka magonjwa ya mlipuko.

Ameitaka jamii kubadilika kwa kuhakikisha mazingira wanayoishi yanakuwa safi ,hatua itakayosaidia kujiepusha kukumbwa na kipindupindu hasa kipindi hiki cha mvua za masika zinazoendelea kunyesha, ambapo hutokea mlipuko wa magonjwa mbalimbali mazingira yakiwa machafu.

Wakati huo huo ilibainika pia kukosekana kwa miundombinu bora ya maji na vyoo pamoja na mazingira machafu umesababisha nyumba za kulala wageni tatu na hoteli mbili kufungwa, katika halmashauri hiyo.

Hatua hiyo imefikiwa baada ya idara ya usafi wa mazingira wilayani humo kufanya ukaguzi na kubaini kuwepo changamoto mbalimbali, ikiwa ni pamoja na kukosekana kwa maji,kalo la maji machafu na miundombinu ya ndani kutoridhisha yakiwemo mashuka hivyo kuhatarisha afya za wateja.

.“Hili zoezi lilifanyika march 27 mwaka huu katika mji wa mhunze ambapo tulifunga hotel mbili na kisha mji mdogo wa Maganzo hoteli moja na nyumba za kulala wageni mbili,tunaendelea na zoezi hili kwa wilaya nzima ili kuhakikisha mazingira yote yanakuwa safi ”alisema Mlewa.

Afisa mazingira alisema zoezi hilo limeanza kwa kupitia hoteli na baa na kwamba hatua itakayofuata ni kukagua migahawa,ambapo aliwataka wananchi kuhakikisha wanaweka mazingira katika hali ya usafi ili kuzuia mlipuko wa magonjwa ambao unaweza kutokea kwa kusababishwa na uchafu.

CHANGAMOTO KUBWA INAYOWAKUMBA WATOTO KWEYE KITUO MAAMULU CHA WALEMAVU BUHANGIJA NI UHABA WA VITANDA

CHANGAMOTO KUBWA INAYOWAKUMBA WATOTO KWEYE KITUO MAAMULU CHA WALEMAVU BUHANGIJA NI UHABA WA VITANDA

CHANGAMOTO kubwa inayowakabili watoto kwenye kituo maalumu cha kulea watoto wenye ulemavu wa aina mbalimbali cha Buhangija manispaa ya Shinyanga, ni upungufu wa vitanda hali inayowalazimu kulala watatu watatu kutokana na kutokidhi mahitaji ambapo vilivyopo ni 156 huku watoto wakiwa 258.

Hayo yalielezwa na mwalimu mkuu wa shule ya Buhangija ambaye anasimamia kituo hicho,wakati akipokea msaada wa chakula,sukari na mafuta kutoka kwa mbunge wa viti maalumu(CCM) mkoa wa Shinyanga Azza Hamad,aliyetembelea kituo hicho.

Ambapo mbunge huyo alijionea kero mbalimbali zinazowakabili watoto hao ukiwemo upungufu wa mabweni pia yaliyopo ni matatu yenye uwezo wa kuchukua watoto 100 pekee.

UMOJA WA VIJANA CCM (UVCCM) KANDA YA ZIWA WATAKA MUUNDO WA SERIKALI MBILI

UMOJA WA VIJANA CCM (UVCCM) KANDA YA ZIWA WATAKA MUUNDO WA SERIKALI MBILI

UMOJA wa vijana wa chama cha Mapinduzi kanda ya ziwa (UVCCM) umewataka watanzania kutokubali muundo wa serikali tatu na kuwaeleza kuwa iwapo zitakuwepo hizo serikali upatikanaji wa fedha zinazotokana na ulipaji kodi hazitatosheleza ikiwa jamii bado zinahitaji huduma bora kwenye afya,elimu na mambo mengine .

Hayo wameyasema kwenye matembezi ya mbio za pikipiki ya muungano taifa yaliyoandaliwa na umoja wa vijana wa chama cha Mapinduzi (UVCCM) taifa ambapo matembezi hayo yalikuwa yamebeba ujumbe wa dumisha muungano vijana kwa fursa zilizopo kwa maendeleo yetu, kwa mkoa wa shinyanga yalipokelewa kutoka mkoani Simiyu katika kijiji cha Wigelekelo wilayani Maswa.

Kiongozi wa matembezi ya mbio hizo kanda ya ziwa Zuberi Bundala alisema kuwa wameamua kuzunguka wilaya zote za kanda kwa lengo la kutoa elimu kwa wananchi ikiwa baadhi ya vyama wanadai kuwepo kwa serikali tatu jambo ambalo litafanya jamii kukosa mambo ya msingi kwa kupitia kodi wanazolipa.

WAKULIMA WALIA NA NDEGE WAITWAO KWELEA KWELEA KWA KULA MAZAO YAKIWA SHAMBANI

WAKULIMA WALIA NA NDEGE WAITWAO KWELEA KWELEA KWA KULA MAZAO YAKIWA SHAMBANI

WAKULIMA kata ya Usanda wilaya ya Shinyanga wameiomba serikali kuchukuwa hatua za haraka kuangamiza ndege waharibifu wa mazao kwelea kwelea ili kunusuru mazao yao kumalizwa na kuwepo tishio la kukumbwa na njaa pamoja na watoto kushindwa kuhudhuria masomo kwa kulinda ndege.

Wakiongea na waandishi wa habari waliotembelea kata hiyo,walisema mazao yao yanaliwa na ndege hao ukiwemo mpunga,mtama na uwele na kwamba wanahofia kukosa chakula kutokana na kushambulia kwa kasi na kubakiza mabua pekee.

Mkulima wa kijiji cha Manyanda Nyanda Jumanne alisema hali kwa sasa ni mbaya na wanahitaji msaada wa haraka wa serikali, vinginevyo muda ukizidi kwenda kabla ya kuwadhibiti wakulima hawataambulia kitu na matokeo yake watakuwa wamepoteza nguvu zao bure.

KARENY BLOG: ajinyonga

KARENY BLOG: ajinyonga

KARENY BLOG: ajinyonga: MTU mmoja aliyejulikana kwa jina la Shija Mfuko (60) mkazi wa kijiji cha Zobogo kata ya Itwangi tarafa ya Itwangi wilaya ya Shinyanga a...

KARENY BLOG: ajinyonga

KARENY BLOG: ajinyonga

KARENY BLOG: ajinyonga: MTU mmoja aliyejulikana kwa jina la Shija Mfuko (60) mkazi wa kijiji cha Zobogo kata ya Itwangi tarafa ya Itwangi wilaya ya Shinyanga a...

KARENY BLOG: KITUO CHA SHERIA NA HAKI ZA BINADAMU CHATOA ELIMU ...

KARENY BLOG: KITUO CHA SHERIA NA HAKI ZA BINADAMU CHATOA ELIMU ...

KARENY BLOG: KITUO CHA SHERIA NA HAKI ZA BINADAMU CHATOA ELIMU ...: KITUO cha Sheria na haki za Binadamu (LHRC) kimetoa elimu ya Rasmu ya pili ya katiba kwa wananchi wa kata ya kitangili mjini s...

Subscribe to: Posts (Atom)