Habari za hivi Punde

BENKI YA NMB TAWI LA MANONGA SHINYANGA MJINI LIMEREJESHA FEDHA HALMASHAURI YA KISHAPU.


MWENYEKITI WA HALMASHAURI YA WILAYA YA KISHAPU  JUSTINE SHEKA.
 
HALMASHAURI ya wilaya ya Kishapu mkoani Shinyanga imefanikiwa kurudisha kiasi cha shilingi  billioni 2.1  zilizosemekana kuibiwa  na baadhi ya watumishi wa idara mbalimbali wakishirikiana  na watumishi wa benki ya NMB   Manonga tawi la Shinyanga mjini,huku watumishi nane waliosimamishwa wakirejeshwa kazini.



Wakiongea kwenye baraza la madiwani lililofanyika jana  katika ukumbi wa halmashauri hiyo ambapo kaimu mkurugenzi  Amosy Zephania alieleza kwenye kikao hicho  kuwa  uongozi wa benki hiyo umekubali kurudisha kiasi hicho cha pesa ambacho kiliibiwa  tangu mwaka 2007  hadi 2010 pindi  mkaguzi wa hesabu za serikali (CAG) alivyobaini.

Zephania alisema  kuwa  katika upigaji  mahesabu  ilibainika kiasi cha shilingi billioni 2.1 kupotea kwa kuchukuliwa kutoka kwenye  benki ya NMB  ambapo  uongozi huo umekubali kurudisha kiasi cha pesa hizo katika halmashauri baada ya kamati iliyoundwa kufuatilia suala hilo.

Alisema kuwa kutokana na hali hiyo  kamati  iliyokaa ya madiwani na uongozi wa halmashauri kwa mujibu wa taratibu na sheria umefanikiwa kuwarudisha   watumishi nane kazini ambao walikuwa wamesimamishwa  waliopisha   uchunguzi kufanyika  kutokana na  kudhaniwa kuhusika  na  tuhuma ya wizi huo .

Hata hivyo  mwenyekiti wa halmashauri hiyo Justine Sheka alisema kuwa fedha hizo  ziliibiwa na kuifanya halmashauri kupata hati chafu  mwaka 2012 kwa ubadhilifu uliofanyika  hivyo  kwa jitihada zilizofanyika  kwa kushirikiana na  naibu waziri wa  tawala za mikoa na serikali za mitaa (TAMISEMI) Aggrey  Mwanri kuingilia kati suala hilo.

“Mimi kwa kushirikiana  na kamati niliyokuwa nimeiunda tumefanya jitihada za kurudisha hizo  fedha ikiwa uongozi wa benki ya NMB ulikubali  na hilo  ni jambo la busara tumewashukuru ambapo walipiga mahesabu  na kubaini kiasi cha shilingi billioni 2.1 ndizo zilizoibiwa tofauti na awali ilivyokuwa ikisemekana ni billioni 6.5 zilizoibiwa”alisema mwenyekiti Sheka.

Ikiwa alisema  fedha hizo zimeelekezwa kutumika katika kuboresha sekta mbalimbali  ikiwemo miundombinu ya barabara za halmashauri  shilingi millioni  580,maabara za  vituo vya afya na zahanati shilingi millioni 200, madawati nyumba za walimu  shilingi millioni 200, watendaji wa kata  kununuliwa pikipiki moja kila mmoja zimetengwa shilingi  millioni 40.

Pia alisema kuwa kuendeleza vikundi vidogo vidogo vya wajasiliamali  na idara ya vikundi vya kilimo cha umwagiliaji jumla shilingi millioni 80,ikiwa  wamefanya hivyo lengo ni kuboresha  miundombinu hiyo na wananchi  kuweza kunufaika na  rasilimali hizo.

Aidha  baadhi ya madiwani hao akiwemo  Ferdnand Mpogomi  wa kata ya Sekebugoro na Amani Mohamed wa  kata ya Shagihili walimpongeza mwenyekiti wa halmashauri kwa jitihada alizofanya mpaka kufanikisha kurudisha kiasi hicho cha pesa,huku halmashauri ikiendelea kupata hati safi kwa miaka miwili mfululizo hilo pia la kujivunia.

KARENY. Powered by Blogger.