WATU watatu ambao majina yao hawajafahamika  wamefariki dunia huku  mfugaji  Gilijisiji Gilawida ambaye alichomwa mkuki na kumjeruhi  vibaya  sehemu za mwili wake  katika mapigano ya wakulima na wafugaji  huko katika kijiji cha  Isakamaliwa  kilichopo mpakani mwa mkoa wa Shinyanga  na Tabora  ambapo mapigano hayo  yalisababishwa na  kugombea  mipaka ya malisho.

Hata hivyo kwa upande wa kata ya Magalata  wilayani Kishapu mkoani Shinyanga waliopo wafugaji wengi  wa kabila la kitaturu   walinyang’anywa mifugo yao zaidi ya 3000 na wakulima kutoka kijiji hicho kilichopo wilayani Igunga  mkoani Tabora huku ikionekana uchochezi huo kufanywa na wafanyabiashara.

WAFANYABIASHARA   mkoani  Shinyanga wamelalamikiwa kuwa chanzo cha kuchafua mitaro na  makalvati  ikiwemo mama lishe  kumwaga maji machafu   hali ambayo imesababisha mitaro hiyo kuziba  na kufanya   wakala wa barabara  tanroad  kuingia  gharama  kubwa ya kuzibua na  kuisafisha .

Akiongea na waandishi wa habari ofisini kwake  meneja wa  Tanroad mkoa wa Shinyanga  Philip Witonde  amesema   kuwa  wafanyabishara wanapouza bidhaa zao mabaki  ambayo  ni uchafu hutupwa katika  mitaro  huku mama lishe nao humwaga maji machafu   hali inayopelekea mitaro hiyo kuziba kwa haraka.

KITUO cha Sheria na haki za Binadamu (LHRC)  kimetoa elimu ya Rasmu ya pili ya  katiba  kwa wananchi wa kata ya kitangili mjini shinyanga ili wananchi hao wapate kuelewa pamoja na kujitokeza kupiga kura pale Rasmu hiyo itakapo rudishwa mikononi mwa watanzania kama imekidhi vigezo na maoni waliyoyapendekeza

Akitoa elimu kwa wakazi hao kwenye mkutano wa hadhara mwanasheria wa Kituo hicho Jonsoni John alisema kuwa lengo la kutoa elimu  ya Rasmu ya pili ya katiba ni kukuza uelewa kwa watanzania iliwapate kujua nini maana ya katiba hali ambayo itachangia kupata katiba safi ya jamuhuri ya muungano wa Tanzania ambayo itaongoza maisha ya watanzania na vizazi vyake vyote.

 KUMOMONYOKA  kwa maadili kwa baadhi ya watumishi wa
 umma ni moja ya sababu zinazochangia kukithiri kwa vitendo
 vya rushwa na kuchangia kuongezeka uchakachuaji wa miradi ya
 maendeleo, unaofanywa na wakandarasi kwa kushirikiana na
 wataalamu nakuwataka wanaofanya vitendo hivyo kujitathimini
 wenyewe  kuachia ngazi zao kabla ya kuwajibishwa.
 
Hayo yalielezwa jana na kamanda wa taasisi ya kuzuia na kupambana na  rushwa (TAKUKURU )mkoa wa Shinyanga Gasto Mkono, kwenye kikao cha kamati ya ushauri ya mkoa huo,ambapo alisema viongozi na  mamlaka husika zikiwa zimekaa kimya bila kuchukuwa hatua hali ambayoinatoa picha kuwa watawala hao ni waoga
wakushiriki katika vita dhidi ya rushwa.

UKOSEFU  wa mitandao ya maji safi na salama katika baadhi ya maeneo ya Shinyanga mjini ni miongoni mwa changamoto kubwa zinazoikabili Mamlaka ya maji safi na usafi wa mazingira (SHUWASA )  hali ambayo inasababisha baadhi ya maeneo kukosa huduma muhimu ya maji.

 Hayo yamebainishwa na mkurugenzi mtendaji wa SHUWASA injinia Silvester Mahole wakati akisoma taarifa kwa mgeni rasmi ambaye alikuwa mkuu wa wilaya ya Shinyanga Annarose Nyamubi kwenye uzinduzi wa mradi wa maji kutoka ziwa Victoria katika kijiji cha Ibadakuli katika manispaa ya Shinyanga .

SERIKALI mkoani Shinyanga imezindua  mradi wa maji katika kijiji cha Bubinza kata ya mwamashele wilayani Kishapu  ambao utaondoa changamoto  kwa wananchi wa kijiji hicho ambapo walikuwa wanakabiliwa na changamoto mbalimbali yakiwemo magonjwa ya mlipuko  kutokana na kutumia maji yasiyo salama.

Akizindua mradi huo  mkuu  wa mkoa  Ally  Rufunga alisema lengo la serikali hapa nchini hadi kufikia 2025 ni kuhakikisha vijiji vyote vinaondokana  na matatizo ya maji safi na salama hali ambayo itaimarisha uchumi wa nchi kutokana na asilimia kubwa ya wananchi kutumia muda  wa kutafuta maji  badala yake watafanya  shughuli za kimaendeleo.

WANANCHI  wa vijiji viwili  vya Mwamalili na Seseko kata ya mwamalili wilayani Shinyanga  wamekabidhiwa  kwa Jeshi la jadi sungusungu ilikukamilisha michango ya mradi wa maji utakao sambaza maji safi na salama katika vijiji hivyo  ambao unatoka ziwa Victoria kupitia tenki la maji (Shuwasa) .

Akilikabidhi Jeshi hilo la jadi kwa wanakijiji hao  mkuu wa mkoa wa Shinyanga Ally Rufunga wakati akizindua mradi wa maji safi na salama katika vijiji hivyo viwili alisema kutokana na wanakijiji kukaidi agizo la serikali la sera ya maji ya  mwaka 2002, ambayo inasema kila mwananchi anapaswa kuchangia fedha katika miradi hiyo ya maji kuwa hanabudi kutumia mamlaka yake

WAKAZI wa  wilaya ya Kishapu mkoani Shinyanga wameanza kutekelezewa  na serikali  tatizo  la ukosefu wa maji  la muda mrefu  kwa kuanza na usanifu wa njia za upatikanaji wa maji  safi na salama  kutoka ziwa victoria  kama maeneo mengine ndani ya mkoa huu yanavyopata maji.

Hayo yalisemwa na waziri  wa maji  Jumanne Maghembe kwenye mkutano wa hadhara katika viwanja vya mji mdogo wa maganzo uliohudhuriwa na  baadhi ya wakazi wa wilaya hiyo huku akisema kuwa  lazima kero hiyo itatuliwe na kufikia mwaka 2015 asilimia 75 wawe wanapata maji.

HALMASHAURI ya wilaya ya shinyanga  kwa kushirikiana na shirika lisilo lakiSerikali  la Tawlae  linalotetea haki za wazee mkoani Shinyanga  imeandaa mkakati madhubuti wa kutengeneza vitambulisho ambavyo watapatiwa wazee wasiojiweza  huduma bure za kijamii ikiwemo ya matibabu.

Akizungumza mjini shinyanga kwenye kikao cha kufanya tathimini na maboresho ya mkakati  wa kuwasaidia wazee kupata huduma hizo bure, mkurugenzi wa Halmashauli hiyo Mohamedi Kiyungi alisema  mrejesho wa kikao cha kwanza kilichofanyika Aprili mwaka jana  wamefanikiwa kuorodhesha majina ya wazee katika kata  16  zilizolengwa  na ambazo zitaanza na mpango huo.

VIONGOZI  wa vijiji wote wilayani Kishapu Mkoani Shinyanga wameagizwa kuhakikisha wanasimamia mazingira ipasavyo, na wahakikishe miti  haikatwi kiholela ili kuimarisha ufugaji wa nyuki katika misitu hiyo. 

Agizo hilo limetolewa jana na mkuu wa wilaya ya Shinyanga Willison Nkhambaku wakati wa uzinduzi wa mizinga ya nyuki uliofanyika katika kijiji cha Nyasamba kata ya Bubiki wilayani humo ambapo alisema atakaebainika anakata ovyo achukuliwe hatua kali za kisheria.

MWANAFUNZI  wa darasa la tatu katika shule ya msingi Majengo wilayani Kahama mkoani Shinyanga Said Joshua (12) amenusurika kufa baada ya kutaka  kuchinjwa kwa kutumia kisu na baba yake mzazi kutokana na kile kinachodaiwa kuchoshwa kumtibu kwa   maradhi yaliyokuwa yakimsumbua.
Tukio hilo limetokea jana saa 11 alfajiri katika kijiji cha Majengo ,kata ya Majengo,tarafa ya Kahama mjini ambapo mwanamme aitwaye Joshua Salvatory(37) mkazi wa Majengo,fundi baiskeli akiwa nyumbani kwake alimkata kisu shingoni mtoto huyo na kuathiri koromeo lake.

WANANCHI  mkoani  shinyanga  wametakiwa kuondokana na  unyanyapaa kwa watu walioathirika na virusi vya ukimwi  ikiwemo mama wajawazito kuhudhuria  katika kliniki  kwa  kupima afya zao na  kuondoa maambukizi ya  mama kwenda kwa mtoto ambapo kiwango mpaka sasa kimefikia asilimia 5.6.

Hayo  yalisemwa na  mkuu wa wilaya ya Shinyanga Annarose Nyamubi kwa niaba ya mkuu wa mkoa wa Shinyanga  kwenye uzinduzi wa  kampeni ya utokomezaji  wa maambukizi  virusi vya ukimwi  toka kwa mama  kwenda kwa  mtoto huku akisema kuwa  maambukizi  hayo tangu mwaka 2011 yalikuwa asilimia 26.