Archive for February 2014

Home » Archive for February 2014

WAFANYABIASHARA SOKO LA NGUZONANE WALALAMIKIA ONGEZEKO LA USHURU

WAFANYABIASHARA wa vibanda katika soko la Nguzo nane manispaa ya Shinyanga mkoani hapa wamelalamikia ongezeko la kutozwa ushuru kutoka shilingi 15,000 na kupandishiwa shilingi 30,000 jambo ambalo wamemuomba mkurugenzi wa manispaa hiyo Festo Kang’ombe kuongea nao ili kutatua suala hilo.

Wafanya biashara hao wakizungumza na waandishi wa habari katika soko hilo jana walisema kuwa kilio chao kikubwa ni kumuomba mkurugenzi wa manispaa hiyo waongee nae kwani wamekuwa wakipandishiwa ushuru bila hata kuwashirikisha wao hali ambayo wanadai wananyongwa kulingana na kipato kidogo wanachokipata katika biashara zao.

Soma Zaidi »

WAAJIRI WATAKIWA KUACHA KUPOKEA RUSHWA KWA LENGO LA KUMPITISHA MFANYAKAZI BORA SIKU YA MEIMOSI

WAAJIRI wa Serikali na mashirika yasiyo ya kiserikali mkoani hapa wametakiwa kuacha kupokea rushwa na kupendelea pindi wanapoteuwa wafanyakazi bora ambao wanastaili kupewa zawadi katika siku ya kilele cha maadhimisho ya sikukuu za wafanyakazi Duniani Meimosi

Akizungumza katika kikao cha wadau wa sherehe za Meimosi juzi mjini shinyanga mkuu wa mkoa Shinyanga Ally Rufunga, wakati wadau hao wakijadili mikakati ya kufanikisha maadalizi ya sherehe hizo alisema kumekuwa na tabia kwa baadhi ya waajiri kupokea Rushwa na kuteuwa wafanya kazi wasio na vigezo.

Soma Zaidi »

MADIWANI WALIOJIUZURU NA KUJIVUA UANACHAMA CHADEMA WAJIUNGA NA CCM MKOANI SHINYANGA

MADIWANI waliojiuzuru nyasifa hiyo na kuamua kuondoka katika chama cha CHADEMA ambao ni Sebastiani Peter na Zacharia Mfuko wamejiunga rasmi na chama cha Mapinduzi (CCM) mbele ya katibu wa itikadi na uenezi Nape Nnauye na uongozi wa mkoa wa chama hicho.

Maelfu ya wakazi wa mkoa wa Shinyanga wakihudhuria mkutano wa hadhara uliofanyika katika viwanja vya Mahakama Nguzo nane huku wakishuhudia waliokuwa wananchama na viongozi ndani ya Chadema wakipanda jukwaani ghafla huku wakiwa wamevaa kofia za CCM na kueleza kiliwafanya kujiunga na chama hicho kutokana na kutuhumiwa kila kukicha kuwa ni mamluki ndani ya Chadema.

Soma Zaidi »

TANESCO MIKOA YA SIMIYU NA SHINYANGA YAWAONYA VISHOKA WANAOHARIBU MIUNDOMBINU

SHIRIKA la umeme Tanzania (TANESCO) katika mikoa ya simiyu na shinyanga limewaonya wale wote watakao haribu miundo mbinu ya shirika hilo wakiwemo vishoka ambao wamekuwa wakililetea shirika hasara kubwa kwa kuharibu mita na kufanya gharama za uzalishaji na uendeshaji kuwa kubwa hivyo watakao bainika kwa uhalibifu huo watachukuliwa hatua kali za kisheria.

Hayo yalibainishwa mjini shinyanga kwenye mkutano wa hadhara na Afisa mkuu wa huduma kwa wateja TANESCO katika mikoa ya Simiyu na Shinyanga Musa Kasimu wakati akitoa elimu kwa wakazi wa mjini humo juu ya huduma zinazotolewa na shirika la TANESCO kwa wananchi

Soma Zaidi »

MADIWANI WA CHADEMA MANISPAA YA SHINYANGA WAJIUZURU NYASIFA HIZO

MADIWANI wawili wa chama cha maendeleo chadema wametamka rasmi kujiuzuru nyasifa hiyo kutokana na madai ya uongozi ngazi ya taifa kuendelea kusikiliza majungu,kudhalilisha baadhi ya viongozi pamoja na kuwaita wahaini au wasaliti katika chama bila kuchambua ukweli na kutotekeleza waliyoyaahidi kwa wanachama wao.

Madiwani hao ni Sebastiani Peter kutoka kata ya Ngokolo na Zacharia Mfuko kutoka kata ya Masekelo kwa pamoja jana waliongea na waandishi wa habari katika ofisi ya naibu meya wa manispaa hiyo huku wakieleza kuwa wanayatamka rasmi maneno mbalimbali yaliyopelekea kujiuzuru kama inshara ya kuwajibika kwa niaba ya makosa yaliyofanywa na viongozi wa kitaifa kwa nyakati tofauti.

Ambapo diwani Sebastiani alisema kuwa kuna sababu tatu zilizopelekea yeye kujiuzuru nafasi ya udiwani na ukatibu wa mbunge vita maalumu , ya kwanza ni mwezi Novemba mwaka 2013 kikundi cha Briged kiliweza kuandika barua kwa katibu mkuu wa chama hicho taifa na kulenga kuwadhalilisha viongozi akiwemo katibu mkoa na wilaya kuwa wamehongwa kiasi cha shilling millioni 90.

“Tuhuma hii leo ninaamini ni tuhuma ya uongo iliyolenga kuwadhalilisha viongozi ambao ni Nyangaki Shilungusheila katibu wa mkoa na Siri yasini mwenyekiti wa wilaya ambapo kimsingi ndio walipotufikisha hapa tulipo,kitendo cha katibu mkuu wa chama kupokea barua hiyo na kushindwa kuifanyia kazi wakati viongozi hawa wamewahi kufungiwa hata kwenye mkutano mkuu wa wilaya jambo hili limenifanya niamini nyumba ya red brigedia wapo viongozi wa kitaifa wanaowaagiza kufanya hayo”alisema diwani Sebastiani Peter.

Alisema jambo la pili ni kutokana na ahadi za mwenyekiti wa taifa Freeman Mbowe kuahihdi chama kitamaliza kujenga nyumba ya marehemu Shelembi aliyekuwa mgombea ubunge jimbo la Shinyanga mjini na diwani kata ya Masekelo ambapo ahadi aliitoa siku ya mwisho kwenye mazishi ya kiongozi huyo katika viwanja vya shy-com huku mwenyekiti huyo katika kikao kingine alichokuwa akikiongoza kupinga ujenzi wa nyumba hiyo.

Soma Zaidi »

MAHAKAMA KUU KANDA YA TABORA YAANZA KUSIKILIZA KESI ZA MAUAJI MKOANI SHINYANGA NA SIMIYU.

MAHAKAMA kuu kanda ya Tabora imeanza kusikiliza kesi za mauaji mbalimbali katika mkoa wa Shinyanga kwa mwaka huu ikiwa kesi kumi na moja zitasikilizwa ndani ya mwezi mmoja ikiwemo mauaji yanayotokana na imani za kishirikina.

Ambapo mara baada ya kumalizika ufunguzi wa kusikiliza kesi hizo mahakama ilianza kwa kuangalia upande wa mtuhumiwa Mbula Mako aliyekuwa mganga wa kienyeji kufanya mauaji dhidi ya kikongwe Buguta Mashilima huko katika kijiji cha Nobora wilayani Bariadi mkoani Simiyu.

Soma Zaidi »

VIJANA KUTOJITAMBUA WAMESHINDWA KUSHIRIKI KIKAMILIFU KATIKA MCHAKATO WA KUTOA MAWAZO YAO RASMU YA KATIBA MPYA

KITENDO cha vijana kutokujitambua kumesababisha washindwe kushiriki kikamilifu katika mchakato wa kutoa mawazo yao kuhusu rasmu ya katiba mpya.

Hayo yalielezwa na Mkurungenzi wa Asasi isiyo ya kiserikali inayotetea haki za wanawake na watoto wenye maambukizi ya virusi vinavyosababisha Ukimwi (AGAPE) John Myolla katika ufunguzi wa kongamano la vijana kujadili rasmu ya katiba mpya lililofanyika mjini hapa jana.

Myolla alisema kundi la vijana lina umuhimu wa pekee kwa jamii, lakini wameshindwa kujitambua na kujikuta wakijishughulisha na mambo ya mzaha na kupuuza yale yenye kuleta tija kwa taifa.

Soma Zaidi »

ZAIDI YA ASILIMIA 80 YA VIJANA NCHINI HUFANYIWA UKATILI

ZAIDI ya asilimia 80 ya vijana nchini wenye umri kati ya miaka 13 hadi 24 wameripotiwa kunyanyaswa kingono,kudhalilishwa kihisia na kujeruhiwa walipokuwa watoto chini ya umri wa miaka 18 huku matukio hayo yakishamiri zaidi sehemu za shule na kuathiri uwezo wa
watoto kielimu.

Hayo yalielezwa jana na meneja wa shirika la Save The Children mkoa wa Shinyanga Augustino Mwashiga wakati wa uzinduzi mradi wa kudhibiti ukatili dhidi ya watoto,alisema utafiti uliofanywa na UNCEF mwaka 2008 ulibaini kuwepo ukatili huo hapa nchini huku wastani wa matukio nane hadi 10 ya ukatili hutokea kila mwezi mkoani
humo.

Soma Zaidi »

SHULE ZA MSINGI TATU KATA YA NDEMBEZI MANISPAA YA SHINYANGA ZAPATA MSAADA WA MAHINDI

SHULE za msingi tatu zilizopo kata ya ndembezi manispaa ya shinyanga zimepatiwa jumla ya magunia kumi na moja ya msaada wa mahindi yenye thamani ya shilingi lakitano na nusu kwaajili ya wanafunzi kupata uji asubuhi wakiwa shuleni hapo ili kuondokana na ubagudhi wa wasiolipa fedha kutokunywa uji na waliolipa kunywa.
Msaada huo wa mahindi yaliyotoka kwenye kitengo cha maafa ofisi ya waziri mkuu na kuamua kuyanunua diwani wa kata hiyo David Nkulila ambaye pia ni naibu meya wa halmashauri ya manispaa hiyo kwa gunia moja shilingi 500 huku akidai kuwa aliamua kutoa msaada kutokana na baadhi ya wazazi kushindwa kutoa mchango wa kupata uji wanafunzi .

Soma Zaidi »

SHULE YA SEKONDARI MASEKELO INAKABILIWA NA CHANGAMOTO MBALIMBALI IKIWEMO UKOSEFU WA VIWANJA VYA MICHEZO,UHABA WA MAJI PAMOJA NA MASHAMBA

SHULE ya sekondari Masekelo iliyopo kwenye kata hiyo manispaa ya Shinyanga inakabiliwa na changamoto mbalimbali ya kukosa eneo kwaajili viwanja vya michezo, mashamba ya kulima vyakula ,uhaba wa maji , hali ambayo inawafanya wanafunzi wa shule hiyo kukosa haki zao za msingi.

Zoezi la utekelezaji kilimo cha mtama kwa shule hiyo halipo sababu ya kukosa mashamba,hakuna eneo lililotengwa viwanja vya michezo ikiwa wananchi wanalima mpaka nyuma ya madarasa ya shule huku bado wenye mashamba yao walionyang’anywa na manispaa hawajalipwa fidia,pia haina maji ingawa wanapata uji wanafunzi shuleni hapo kwa kulipia shilingi 40,000 kwa mwaka.

Mkuu wa shule hiyo Stephen Mihambo aliongea na baadhi ya waandishi wa habari waliotembelea shuleni hapo huku akieleza kuwa shule inajumla ya wanafunzi 319 ,vipindi vya michezo vipo ila hakuna uwanja wa michezo, hali inayojionyesha ni mwamko mdogo wa jamii katika suala zima la elimu kwa kushindwa kutoa maeneo ya mashamba yao ili shule ipate viwanja vya michezo.

Soma Zaidi »

CHANGAMOTO YA KURIPOTI KWA WANAFUNZI KIDATO CHA KWANZA IMEKUWA NI TATIZO MKOANI SHINYANGA.

CHANGAMOTO ya kuozesha wanafunzi wa kike mara wanapohitimu darasa la saba huku wavulana wakiendelea kutumikishwa na shughuli za uchungaji mifugo na mambo mengine imekuwa kubwa ndani ya jamii na kufanya hali ya kuripoti kwa wanafunzi wa shule za sekondari waliochaguliwa kuingia kidato cha kwanza mkoani Shinyanga kufikia asilimia 78 .

Hayo yalisemwa na mkuu wa mkoa wa huu Ally Rufunga wakati akiongea na waandishi wa habari huku akieleza kuwa wanafunzi waliochaguliwa kujiunga na elimu ya sekondari wamepata nafasi wote sawa na asilimia 100 lakini kuripoti ndio imekuwa changamoto ambapo watendaji wa vijiji na kata wamepewa jukumu la uangalizi huo ikiwa mwisho wa kuripoti ni mwezi huu.

Soma Zaidi »

MAUAJI YA ALBINO YAMEPUNGUA ,YANAYOENDELEA NI MAUAJI YA KUWANIA URITHI,ARDHI PAMOJA NA IMANI ZA KISHIRIKINA

SERIKALI mkoani Shinyanga imeeleza kupungua kwa mauaji ya albino kwa kiwango kikubwa ikiwa kwa mwaka jana hakuna tukio lolote lililotokea la mauaji hayo isipokuwa mauaji ya watu wengine wakimweo vikongwe kuendelea kujitokeza kwa kusababishwa kugombea mirathi,ardhi pamoja na imani za kishirikina.

Hayo yalisemwa na mkuu wa mkoa wa Shinyanga Ally Rufunga wakati akiongea na waandishi wahabari katika ukumbi wa mkoa huku akieleza kuwa mauaji ya watu wenye ulemavu wa ngozi (Albino) yamepungua kwa asilimia 100 huku mauaji vikongwe na watu wengine yamepungua kwa asilimia 96.

Alisema hali ya ulinzi na usalama kwa sasa ni shwari ikiwa mwaka wa 2012 kulitokea tukio moja la mauaji wilayani Kahama ,ambapo mwaka wa 2013 hakuna tukio lolote lililotokea ila hali ya mauaji ya vikongwe na watu wengine imeendelea kujitokeza kwa sababu ya w engine kuwania mali,mirathi na imani za kishirikina.

Soma Zaidi »

MAMA NA MWANAYE WAULIWA KIKATILI NA WATU WASIOJULIKANA

MAMA na mwanaye wameuwawa kikatili kwa kucharangwa mapanga na watu wasiojulikana kwa kuwavamia nyumani kwao majira ya usiku huko katika kijiji cha Ngokolo wilayani Kahama mkoani Shinyanga

Watu hao waliofahamika kwa majina ya Helena Charles(30) na Mlu Nambo ( 50)

Kwa mujibu wa taarifa ya kamanda wa polisi mkoa wa Shinyanga Evarist Mangala tukio hilo limetokea juzi majira ya saa moja na nusu usiku katika kijiji hicho wakati wakijiandaa kupata chakula cha uskiku nyumbani hapo.

Soma Zaidi »

UKATILI WA KIJINSIA KATIKA JAMII UNALETWA NA MTAZAMO HASI

UKATILI wa kijinsia katika jamii na familia unaletwa na mtazamo hasi kwani matendo kati ya mwanamke na mwanaume yanategemeana ambapo mifarakano hutokea kwa kupingana na kuendeleza changamoto zilizomo kwenye mila na desturi ikiwemo kuwazuia watoto wa kike kupata elimu ,ndoa za utotoni pamoja na ukeketwaji.

Hayo yalisemwa na mwezeshaji ambaye ni pia ni mhariri mtendaji wa gazeti la jamhuri Deogratius Balile kwenye semina iliyowajumuisha waandishi wa habari kutoka mikoa ya Simiyu na Shinyanga yaliyoandaliwa na chama cha waandishi wa habari wanawake Tanzania (Tamwa) huku akieleza kuwa waandishi wananafasi kubwa ya kuibadilisha jamii .

Soma Zaidi »

WANANCHI MKOANI SIMIYU WALILALAMIKIA SHIRIKA LA UMEME TANESCO

WANANCHI mkoani Simiyu wamelilamikia Shirika la Ugavi Umeme (TANESCO) kwa tabia ya kukata kata umeme bila taarifa na kuwaweka gizani wateja wake kwa mara kwa mara hali ambayo inawatia hasara kubwa kwa kuunguza vyombo mbalimbali vinavyotumia umeme ikiwemo wajasiriamali kushuka kwa vipato vyao.
Licha ya shirika hilo kuahidi mara kadhaa kuondwa tatizo la umeme linaondolewa tangu mwishoni mwa mwaka jana lakini hali ya katakata umeme na wananchi kulala gizani na kushindwa kufanya kazi za kila siku zikiwemo za ujasilia mali limekuwa kero kubwa sana kwao.

Soma Zaidi »

MADIWANI BARIADI WAKATAA KUPITISHA TAARIFA YA MAAFA KWA KUDAI NI MWAKA JANA

Baraza la madiwani la halmashauri ya mji wa Bariadi mkoani Simiyu limeikata taarifa ya maafa katika vijiji mbalimbali vilivyotokea na kudai kuwa ni ya mwaka jana huku afisa kilimo Issa Mtweve akishindwa kuorodhesha vijiji vilivyoadhirika na janga la njaa wilayani humo.

Wakiongea ndani ya kikao cha baraza hilo madiwani hao walisema kuwa vijiji vilivyokuwa vimeorodheshwa katika taarifa hiyo havikuwa sahihi, kutokana na kuwa vichache kulinganisha na hali halisi ya tatizo hilo lilopo katika kata zao.

Soma Zaidi »

ZOEZI LA UNYWAJI UJI KWA WANAFUNZI SHULE YA MSINGI IHUGI HUENDA LIKASITISHWA KUTOKANA NA WAZAZI KUKOSA FEDHA ZA MICHANGO

ZOEZI la kunywa uji kwa wanafunzi wa shule ya msingi Ihugi kata ya Lyamidati katika halmashauri ya wilaya ya Shinyanga huenda likasitishwa kutokana na shule hiyo kukosa chakula na wazazi kuwa na hali ngumu ya kifedha katika kusaidia upatikanaji wa unga.

Akiongea na mwandishi wa habari aliyetembelea shuleni hapo , mwalimu mkuu wa shule hiyo Ayoub Mesoyo alieleza kuwa shule imefunguliwa lakini zoezi la kupata uji shuleni hapo litasitishwa kutokana na ugumu wa kupata msaada wa mahindi na kifedha kutoka kwa wazazi.

Soma Zaidi »

WAUZAJI TINDIKALI WATAKIWA KUJISAJILI KATIKA OFISI YA MKEMIA MKUU WA SERIKALI

JESHI la polisi mkoani Simiyu limewataka wauzaji wa tindikari mkoani humo kuhakikisha wanasajiliwa na ofisi ya mkemia mkuu wa serikali, ili kutambulika kisheria sambamba na kupewa utaratibu wa matumizi sahihi ya bidhaa hiyo kwa lengo la kuondoa matumizi mabaya ikiwemo kuwadhuru watu.

Mbali na hilo kamanda wa jeshi hilo Charles mkumbo amewatahadharisha wananchi wote ,kuwa kwa yeyote atakayekutwa na tindikari mtaani, atakamatwa, ikiwa pamoja na kufikishwa mahakani.

Akiongea na waandishi wa habari ofisini kwake jana kamanda Mkumbo alisema kuwa katika utaraatibu uliowekwa kwa sasa kwa wauzaji wa bidhaa hiyo unamtaka kila muuza tindikari kusajiliwa na ofisi ya mkemia mkuu,sambamba na kupewa maelekezo ya jinsi ya kutumia au kuuza bidhaa hiyo.

Soma Zaidi »

JESHI LA POLISI LAWASHIKILIA WATU TISA KWA TUHUMA YA MAUAJI YA WANAWAKE WAWILI WALIOTUHUMIA KUZUIA MVUA ISINYESHE KATIKA KIJIJI CHA MWABULIMBU WILAYANI MASWA

JESHI la polisi mkoani Simiyu linawashikilia watu tisa wakiwemo wanawake wawili wa kijiji cha Mwabulimbu wilayani Maswa kwa tuhuma za mauaji ya kikatili ya akina mama wawili kuuawa na kuchomwa moto kwa madai ya kuzuia mvua kunyesha.

Licha ya wanawake hao polisi pia inawashikilia viongozi wakuu wa jeshi la ulinzi wa jadi "Sungusungu" akiwemo Mtemi na Kamanda wake mkuu kwa tuhuma za mauji hayo ya kikatili kwa akina mama hao ambao baada ya kushambuliwa sehemu mbalimbali za miili yao waliochomwa moto kwa madai ya kuzuia mvua kunyesha katika kijiji cha Mwabulimbu wilayani humo.

Soma Zaidi »

MADIWANI HALMASHAURI MJI WA BARIADI WATAKA AGIZO LA RAIS KUTEKELEZWA HOSPITALI YA WILAYA KUWA YA MKOA

MADIWANI wa Halmshauri ya Mji wa Bariadi Mkoani Simiyu wamemtaka Mkuu wa Mkoa huo, Paschal Mabiti kutekeleza agizo la Raisi Jakaya Kikwete alilotoa wakati wa ziara yake mkoani hapa, la kupandisha kiwango hospitali ya Wilaya ya Bariadi kuwa hospitali ya Mkoa.

Mbali na Mkuu huyo wa Mkoa kutakiwa kuhakikisha anatekeleza agizo hilo la Rais , madiwani hao walishangazwa na kitendo cha Kiongozi huyo wakati wa kikao cha ushauri cha Mkoa kilichokaa hivi karibuni kukataa kutekeleza agizo hilo kwa madai kuwa Rais hakuagiza kupandishwa kiwango hospitali hiyo.

Soma Zaidi »

HUHESO YATOA ELIMU KWA MADREVA MATUMIZI SAHIHI YA CONDOM

SHIRIKA la The Foundation for Human Health Society [HUHESO FOUNDATION] lenye makao makuu yake mjini Kahama limetoa elimu kwa wanaume wanaofanya kazi kwenye malori,migodini na madreva wa bodaboda juu ya matumizi sahihi ya Kondomu.

Mafunzo hayo yalitolewa na Shirika hilo baada ya kubaini chanzo kikubwa cha wanawake kufanya mapenzi yasiyo salama ni wanaume ambao wengi wao hufikia nyakati za matamanio kwenye mazingira ya starehe.

Soma Zaidi »

WADAU WA ELIMU WATAKA MFUMO UBADILISHWE ILI KUWEPO NA ULINGANO KWA WAZAZI

WAMILIKI na mameneja wa shule za msingi,sekodandari na vyuo binafsi kutoka mikoa nane ya nchini Tanzania wameitaka serikali kubadilisha mfumo wa elimu kutokana na wazazi wanaosomesha watoto wao kukosa msaada wowote unaopelekea kutozwa kodi mbalimbali zenye kiwango kikubwa.

Hayo yalisemwa na mwenyekiti wa Tamongsco Jerrry Nyabululu kwenye mkutano wa wamiliki na mameneja wa vyuo na shule zisizokuwa za serikali kanda ya Magharibi,kanda ya ziwa na kanda ya ziwa magharibi kwa mikoa ya Kagera,Mara,Mwanza ,Simiyu,Geita ,Kigoma,Tabora na Shinyanga katika risala yao mbele ya mgeni rasmi ambaye ni mkuu wa mkoa wa Shinyanga Ally Rufunga akiwa ameambatana na Hadija Mcheka mkurugenzi msaidizi wa usajili kutoka wizara ya elimu.

Hata hivyo waliiomba serikali ianzishe mjadala wa kitaifa miongoni mwa wadau wa elimu ili ikiwezekana mfumo wa elimu ubadilishwe kwani imeonekana kuwa mtoto ambaye anasoma shule binafis hapati msaada wowote kutoka serikalini kwa kutozwa kodi nyingi kwa kiwango kikubwa ikiwa wazazi wao ni walipaji wakubwa wa kodi mbalimbali za serikali kama wazazi wengine wanaosomesha shule zingine.

Soma Zaidi »

MWALIMU WA SHULE YA MSINGI AKUTWA AMEJINYONGA HUKU AKIACHA UJUMBE MZITO

MWALIMU wa shule ya msingi Mwang’osha kata ya nyamalongo wilaya ya shinyanga mkoani hapa Christipian Mafuru (24) amefariki dunia baada ya kujinyonga kwa kutumia kamba ya katani katika choo kilichopo nyumbani kwake huku akiacha ujumbe mzito uliotia simanzi.

Mwalimu mkuu wa shule hiyo Frida Maleko aliwaeleza waandishi wa habari kuwa marehemu aligundulika akiwa amejinyonga juzi majira ya saa tisa na nusu alasiri mara baada ya kutoonekana shuleni kwa mda mrefu.

Soma Zaidi »

MAAMBUKIZI MAPYA YA VVU KUTOKA KWA MAMA MJAMZITO KWENDA KWA MTOTO YAFIKIA ASILIMIA7.3 MKOANI SIMIYU

MKOA Wa Simiyu ni miongoni mwa mikoa sita nchini ambayo inakabiliwa na maambukizi mapya ya Virusi vya Ukimwi kutoka kwa mama Mjamzito kwenda kwa mtoto na kufikia asilimia 7.3
Hayo yamelezwa na Dkt Hamis Kulemba ambaye ni Mratibu wa kuzuia magonjwa ya ngono na Ukimwi mkoa wa Simiyu wakati wa sherehe za uzinduzi wa mpango wa kutokomeza maambukizi mapya ya VVU kwa mtoto kutoka kwa mama mkoani humo

Soma Zaidi »

ZAHANATI YAFUNGWA KWA KUKOSA VIGEZO.

ZAHANATI inayomilikiwa na mtu binafsi katika kijiji cha songambele kata ya Salawe wilayani Shinyanga imefungwa na wataalamu wa afya kutoka mkoani hapa kutokana na kukosa vigezo vya kuwa zahanati babala ya duka la madawa kama ilivyokusudiwa huku daktari msimamizi wa wakimkataa kwa kukosa sifa, ambapo ilikuwa ikitoa huduma mbalimbali za matibabu kama vile upimaji wa damu,malaria na uzalishaji wa mama wajawazito.

Zahanati hiyo imefungwa mwezi januari mwaka huu,ambapo mmiliki wake dkt Daniel Emanuel aliwaeleza waandishi wa habari kuwa zahanati imepata usajili mwaka 1994 na kuanza kutoa huduma katika kijiji hicho ambapo kwa siku alikuwa akihudumia wagonjwa zaidi ya kumi.

Soma Zaidi »

HAKIMU AELEZA UFINYU WA MAHAKAMA UNASABABISHA UENDESHAJI WA KESI KUCHELEWA.

HAKIMU mkazi mwandamizi mfawidhi mkoa wa shinyanga John Chaba ameiomba serikali mkoani shinyanga kukamilisha ujenzi wa jengo la mahakama kuu kanda ya ziwa linalojengwa kwa haraka ilikurahisisha uendeshaji wa kesi hali ambayo itasaidia kesi nyingi kusikilzwa kwa wakati.

Hakimu Chaba alisema hayo kwenye siku ya madhimisho ya sheria nchi ambapo kimkoa yalifanyika mjini shinyanga katika viwanja vya mahakama ya hakimu mkazi kuwa mahakimu mkoani humo wanakabiliwa na changamoto mbalimbali moja kuu ikiwa ni upungufu wa majengo ya mahakama ya kuendeshea kesi na hivyo kufanya kesi nyingi kurundikana mahakani

Soma Zaidi »

WAFUGAJI WILAYANI KISHAPU WATAKIWA KUBADILISHA MFUMO WA UFUGAJI KUTOKANA NA HALI YA HEWA KUWA YA UKAME

WAFUGAJI wilayani Kishapu mkoani Shinyanga wametakiwa kubadilika kufuga mifugo wenye uwezo wa kuchukua muda mfupi wa kukomaa na kuweza kuingia sokoni, pia kulichukulia kama zao la biashara kutokana na hali ya hewa ya ukame katika wilaya hiyo ikiwemo changamoto ya kukosa maeneo ya malisho pamoja na majosho.

Hayo yalisemwa na waziri wa maendeleo ya mifugo na uvuvi Titus Kamani katika ziara yake aliyotembelea wilayani humo huku akiwaeleza wataalamu na mkuu wa wilaya hiyo Wilson Nkhambaku kuwa wakulima wamekuwa wakilima kila eneo na kufanya wafugaji kukosa maeneo ambapo inatakiwa wapatiwe elimu hiyo na kuweza kuepusha migogoro inayoendelea kati ya wakulima na wafugaji nchini.

Soma Zaidi »

KIWANDA CHA KUSINDIKA NYAMA CHAANZA MAZUNGUMZO NA WAFUGAJI KWENYE VIKUNDII

HATIMAYE kiwanda cha kusindika nyama cha Triple ‘S’ kilichopo manispaa ya Shinyanga kimeanza kuingia mkataba kwenye vikundi vidogo vidogo vya wafugaji vilivyopo mkoani hapa kwa lengo la kuwanyanyua kiuchumi huku kikiwa kimekwisha pata soko la uuzaji nyama hizo nchi ya Uarabuni.

Hayo yalisemwa na mmiliki wa kiwanda hicho Salum Seif mbele ya waziri wa maendeleo ya mifugo na uvuvi Titus Kamani wakati wa ziara yake mkoani humo na kutembelea kiwanda hicho huku akieleza kuwa anatarajia kukifungua na kuanza kazi mwezi Marchi mwaka huu ikiwa ataanzia na ng’ombe 50.

Alisema wamekuwa na maongezi katika vikundi vidogo vidogo vya ufugaji mkoani hapa lengo kuwanyanyua wafugaji hao kiuchumi ,hawakutaka kuwatumia madalali katika minada ambao wamekuwa wakiwapunja wafugaji na kujinufaisha wenyewe hivyo wameona watumie mwanya wa vikundi nao wapate faida kubwa na kuondokana na unyonywaji.

Soma Zaidi »

UVCCM MANISPAA YA SHINYANGA WAIBUKA SHEREHE ZA KUADHIMISHA MIAKA 37 KUSAIDIA WATOTO WALEMAVU

KITUO cha kulelea watoto wenye ulemavu wa ngozi (albino) kilichopo Buhangija katika manispaa ya Shinyanga bado kinakabiliwa na upungufu mkubwa wa chakula, vyandarua,vifaa vya kufanyia usafi pamoja na upungugufu wa vitanda ambapo kuna watoto 258 huku kukiwa na vitanda 60.

Hali hiyo ya ukosefu wa vitanda imewalazimu kulala kila kitanda watoto wanne wanne ambavyo pia ni vitanda vya dable deca vinavyofaa kulaliwa na watoto wawili tu.

Hayo yalibainishwa juzi kwenye sherehe za kutimiza miaka 37 ya Chama cha mapinduzi (CCM) wakati umoja wa vijana UVCCM wilaya ya Shinyanga mjini walipokuwa wakiazimisha sherehe hiyo katika kituo hicho ambapo walifanya usafi katika maeneo hayo walifua nguo za watoto hao, walipanda miti pamoja na kutoa msaada wa chakula.

Soma Zaidi »

MBUNGE JIMBO LA KISHAPU ASAIDIA SHULE NNE ZA MSINGI MAJIKO YA GESI

WANAFUNZI wa shule za msingi nne wilayani Kishapu mkoani Shinyanga wanakabiliwa na changamoto ya utumiaji wa nishati ya kuni ambapo Mbunge wa jimbo hilo kupitia tiketi ya chama cha mapinduzi CCM Suleiman Nchambi amezindua mradi wa jiko la kupikia kwa kutumia gesi uliogharimu jumla ya shilingi millioni 80.

Kabla ya kupatikana kwa majiko hayo hivi sasa bado wanaendelea kutumia nishati ya kuni katika shule karibu zote za msingi ambazo zinatoa huduma ya chakula kwa wanafunzi hali ambayo ilikuwa ikiwafanya kuacha masomo na kwenda kutafuta nishati ya kuni porini.

Soma Zaidi »

BAADHI YA WATUMISHI MANISPAA WADAIWA KUIHUJUMU KWA KUIBA NYARAKA ZA SIRI

BAADHI ya watumishi katika halmashauri ya manispaa ya Shinyanga wameanza kuihujumu manispaa hiyo kwa kutumia mbinu ya kufungua kesi dhidi ya manispaa hiyo na kuiba nyaraka za ofisi ili kujipatia kipato.

Akizungumza katika kikao cha baraza la madiwani naibu mstahiki meya David Nkulila alisema hivi sasa halmashauri hiyo inaandamwa na kesi nyingi za ajabu zenye lengo la kuihujumu manispaa kwa kushindwa kuiba mapato matokeo yake kutumia mbinu hizo.

Alisema manispaa inataka kuchezewa na watu kwa kuanza kuihujumu kwa kuanzisha makosa yasiyoeleka na kwamba kwa mujibu wa taarifa zinazohisiwa,zinazotia mashaka hujuma hizo zinafanywa na watumishi wa halmashauri hiyo.

“Data zinazohisiwa,zinazosemekana,zinazotia mashaka,watumishi wanahusika,Kesi nyingi sasa zinataka kuiandama halmashauri,mdau yupo anaambiwa anzisha kesi na kesi inaenda kushindikana,mtu huyo anadai alipwe na halmashauri, na hayo madai yanavyosemekana ni mgao wa watu,hizo ni hujuma kwa pesa za wananchi”,alieleza Nkulila.

Akifafanua zaidi alisema menejimenti ya manispaa hiyo imekosa nidhamu ya siri kwani wamekuwa wakitoa nyaraka za siri na kwamba sasa wamebuni njia nyingine ya ulaji kwa kuanzisha kesi badala ya kuwajibika.

Pia aliwataka watumishi wa umma kufanya kazi kwa nidhamu,kuridhika na walichonacho,kuwatumikia wananchi na kuwajibika kila mtu kwa nafasi yake kama inavyopaswa kwa kufuata yaliyoelekezwa.

Naye katibu tawala wa wilaya ya Shinyanga Boniface Chambi aliwataka watumishi wa umma kutunza siri za ofisi na endapo mtu anaona kazi ya serikali ni ngumu aondoke taratibu badala ya kuchezea nyaraka za serikali.

AJIRA KWA WATOTO IMEPIGWA MARUFUKU LAKINI IPO KATIKA JAMII,TAZAMA PICHA HAPA

Ajira kwa watoto bado inaendelezwa katika jamii kama unavyoona watoto hao wakiwa katika eneo la kituo cha mabasi cha Maganzo wilayani Kishapu mkoani Shinyanga wakisubiri magari ili wauze karanga

MKUU WA MKOA WA SHINYANGA AZINDUA BODI YA RUFAA YA MKOA

Mkuu wa mkoa wa shinyanga Ally Nassoro Rufunga juzi amezindua rasmi bodi ya hospitali ya rufaa ya mkoa huku akiwataka wajumbe wa bodi hiyo kufanya kazi kwa ufanisi ili kuboresha mfumo wa uendeshaji wa hospitali ya mkoa wa shinyanga.

Soma Zaidi »

MCHANGO WA SHILINGI MILLIONI 24 WAKATALIWA NA MADIWANI

MADIWANI wa halmashauri ya manispaa ya Shinyanga wametaka kuondolewa katika orodha ya kuchangia fedha kituo maalumu cha kulelea watoto wenye ulemavu mbalimbali Buhangija ikiwa katika mchango huo manispaa imelezwa kuchangia kiasi cha shilingi millioni 24.

Hatua ya kukataa kuchangia imetokana na kituo hicho kulea watoto wanao toka maeneo tofauti kama vile mkoa wa Geita,Simiyu, Tabora, Mwanza pamoja na Shinyanga hali ambayo mikoa hiyo imekuwa haitoi msaada wowote.

Soma Zaidi »

MADIWANI WAKATAA UTOAJI WA SHILINGI MILLIONI 24 KWENYE KITUO CHA KULELEA WATOTO WENYE ULEMAVU

Madiwani hao wakiongea katika baraza la madiwani jana lililofanyika kwenye ukumbi wa mkoa wamesema kuwa hawatakuwa tayari kuchangia pesa hizo kutokana na kituo hicho kuwa ndani ya manispaa na majukumu mengi wamekuwa wakikabiliana nayo,

Naibu mstahiki meya David Nkulila amesema kuwa hali ya kituo hicho hairidhishi kutokana na kuachanizwa kwa manispaa pekee kutunza watoto hao isitoshe imepangiwa kuchangia shilingi millioni 24 ambapo haiwezekani

Mkuu wa kituo hicho mwalimu Peter Ajali amesema kuwa watoto walipo ni 258 ambapo walemavu wa ngozi 172,wasioona 48,viziwi 38 ikiwa changamoto kubwa iliyopo ni uhaba wa chakula na deni la shilingi millioni 4.8 kutoka mamlaka ya maji manispaa (Shuwasa) kudai kituo hicho.

Ambapo suala la deni la maji injinia kutoka shuwasa Slyvesta Malole alieleza madiwani kuwa deni hilo linadaiwa tangu mwaka jana huku akilalamika kutofahamu hali halisi ya maisha ya kituo hicho kwa watoto ikiwa alisisitiza kuwa akaunti inayosoma kwa sasa ibadilishwe na kufahamika na deni hilo lazima lilipwe.

Mkuu wa wilaya ya Shinyanga Annarose Nyamubi alisema kuwa kwa upande wa wilaya ya Bukombe mkoa wa Geita kuna watoto zaidi ya 30 hivyo idara ya maendeleo ya jamii wanatakiwa kufanya mawasiliano ili halmashauri ziwatambue watoto wao pia suala la kuletwa watoto wapya kila siku waletwe kwa utaratibu utakao ridhia pande zote mbili.

MWISHO.

Join us on Facebook

TAFUTA CHOCHOTE HAPA

KUHUSU MIMI

HABARI ZILIZOSOMWA ZAIDI WIKI HII

SOMA HABARI ZILIZOPITA HAPA

WASILIANA NAMI HAPA